ಇಂದು 08.06.2026 ನಮ್ಮ ಶಾಲಾ ಮ್ಯಾನೇಜರ್ ಹಾಗೂ ಕುಟುಂಬಸ್ಥರು ಸೇರಿ ಶಾಲಾ ಮಕ್ಕಳಿಗೆ ಭರ್ಜರಿ ಮಧ್ಯಾಹ್ನದೂಟವನ್ನು ಒದಗಿಸಿಕೊಟ್ಟರು. ಪಾಲವ್,ಸಲಾಡ್,ಪೂರಿ,ಪನೀರ್ ಕರಿ, ಗೋಬಿ ಮಂಚೂರಿ, ಉಪ್ಪಿನಕಾಯಿ,ಐಸ್ ಕ್ರೀಮ್, ಪಾಯಸ ,ಹೋಳಿಗೆ ಮುಂತಾದವುಗಳಿಂದ ಭೋಜನವು ಸಮೃದ್ಧವಾಗಿತ್ತು. ಈ ಒಂದು ಭೋಜನದ ವ್ಯವಸ್ಥೆ ಮಾಡಿಕೊಟ್ಟ ನಿಮಗೆ ಶಾಲಾ ಪರವಾಗಿಯೂ, ಮಕ್ಕಳ ಪರವಾಗಿಯೂ ಅನಂತಾನಂತ ಧನ್ಯವಾದಗಳು🙏🏻
ಎಸ್ ಎಸ್ ಎ ಎಲ್ ಪಿ ಶಾಲೆ ಮುಡೂರುತೋಕೆಯಲ್ಲಿ ಪರಿಸರ ದಿನಾಚರಣೆ ಯನ್ನು ಆಚರಿಸಲಾಯಿತು.ಶಾಲಾ ಅಸೆಂಬ್ಲಿಯಲ್ಲಿ ಮುಖ್ಯೋಪಾಧ್ಯಾಯರು ಪರಿಸರ ದಿನದ ಮಹತ್ವವನ್ನು ಮಕ್ಕಳಿಗೆ ತಿಳಿಸಿಕೊಟ್ಟರು.ಪರಿಸರವನ್ನು ಸಂರಕ್ಷಿಸುವ ಪ್ರತಿಜ್ಞೆ ಕೈಗೊಳ್ಳಲಾಯಿತು.ತರಗತಿ ಮಟ್ಟದಲ್ಲಿ ಪೋಸ್ಟರ್ ನಿರ್ಮಾಣ,ಪರಿಸರಕ್ಕೆ ಸಂಬಂಧಿಸಿದ ಚಿತ್ರ ರಚನೆ, ಘೋಷಣಾ ವಾಕ್ಯಗಳ ರಚನೆ ಮೊದಲಾದ ಚಟುವಟಿಕೆಗಳನ್ನು ನಡೆಸಲಾಯಿತು. ಕೃಷಿ ಭವನದಿಂದ ಲಭಿಸಿದ ಗಿಡವನ್ನು ಶಾಲಾ ಪರಿಸರದಲ್ಲಿ ನಡಲಾಯಿತು.ಮಕ್ಕಳು ತಂದಂತಹ ಗಿಡಗಳನ್ನು ಶಾಲಾ ಕೃಷಿ ತೋಟದಲ್ಲಿ ಮಕ್ಕಳೇ ನೆಟ್ಟು ಸಂಭ್ರಮಿಸಿದರು.
ಎಸ್.ಎಸ್.ಎ.ಎಲ್.ಪಿ.ಶಾಲೆ ಮುಡೂರುತೋಕೆ ಯಲ್ಲಿ ದಿನಾಂಕ 1-6-2026 ನೇ ಸೋಮವಾರದಂದು 2026-27 ನೇ ಶೈಕ್ಷಣಿಕ ವರ್ಷದ ಪ್ರವೇಶೋತ್ಸವವನ್ನು ಸರಳವಾಗಿ ಆಚರಿಸಲಾಯಿತು. ಸಮಯ ಸರಿಯಾಗಿ 9.45 ಕ್ಕೆ ಶಾಲಾ ಅಸೆಂಬ್ಲಿಯನ್ನು ನಡೆಸಲಾಯಿತು. ಸೈಬರ್ ಸೇಫ್ಟಿ ಪ್ರತಿಜ್ಞೆಯನ್ನು ಕೈಗೊಳ್ಳಲಾಯಿತು. ನಂತರ ಸಭಾ ಕಾರ್ಯಕ್ರಮವನ್ನು ನಡೆಸಲಾಯಿತು. ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ ಶೈಲೇಶ್ ರವರು ಬಂದಿರುವ ಅತಿಥಿಗಳನ್ನು ಸ್ವಾಗತಿಸಿದರು.ಸಭಾ ಕಾರ್ಯಕ್ರಮದ ಉದ್ಘಾಟನೆಯನ್ನು ಶಾಲಾ ವ್ಯವಸ್ಥಾಪಕರಾದ ಶ್ರೀ ದೇವಪ್ಪ ಶೆಟ್ಟಿಯವರು ನೆರವೇರಿಸಿದರು.LSS ವಿಜೇತೆಯಾದ ಝಲ್ಫಳನ್ನು ಈ ಸಮಯದಲ್ಲಿ ಗೌರವಿಸಲಾಯಿತು.1 ರಿಂದ 4 ನೇ ತರಗತಿಯ ಮಕ್ಕಳಿಗೆ ಉಚಿತವಾಗಿ ನೋಟ್ಸ್ ಪುಸ್ತಕಗಳನ್ನು ಶ್ರೀ ಜಯಪ್ರಕಾಶ ಭಂಡಾರ ಮನೆ ಇವರು ನೀಡಿದರು. 1ನೇ ತರಗತಿ ಮಕ್ಕಳಿಗೆ ಉಚಿತ 23 ಶಾಲಾ ಬ್ಯಾಗ್ ಗಳನ್ನು ಗೋಲ್ಡ್ ಸ್ಟಾರ್ ಫ್ರೆಂಡ್ಸ್ ಕ್ಲಬ್ ನವರು , 1 ಬ್ಯಾಗ್ ಅನ್ನು ಶ್ರೀ ಲೋಕೇಶ್ ಪಾವಳ ಹಾಗೂ 1 ಬ್ಯಾಗ್ ಅನ್ನು ಅಧ್ಯಾಪಕಿ ಚಿತ್ರ ಇವರು ವಿತರಿಸಿದರು.ಗೋಲ್ಡ್ ಸ್ಟಾರ್ ಫ್ರೆಂಡ್ಸ್ ಕ್ಲಬ್ ನ ಅಧ್ಯಕ್ಷರು ಶ್ರೀ ಝಾಹಿದ್ ರವರು ಉಪಸ್ಥಿತರಿದ್ದರು.ಮಾತೃ ಸಂಘದ ಅಧ್ಯಕ್ಷೆ ಶ್ರೀಮತಿ ಪ್ರೀತಿಕ ಹಾಗೂ ರಕ್ಷಕ ಶಿಕ್ಷಕ ಸಂಘದ ಉಪಾಧ್ಯಕ್ಷರಾದ ಶ್ರೀ ಅಬೂಬಕ್ಕರ್ ಸಿದ್ದೀಕ್ ರವರು ಶುಭ ಹಾರೈಸಿದರು. ಪಿ. ಟಿ. ಎ ಅಧ್ಯಕ್ಷರ ಅಧ್ಯಕ್ಷತೆಯಲ್ಲಿ ನಡೆದ ಕಾರ್ಯಕ್ರಮವನ್ನು ಅಧ್ಯಾಪಕಿ ಶ್ರೀ ಲಾವಣ್ಯ ರವರು ನಿರೂಪಿಸಿದರು. ಅಧ್ಯಾಪಕಿ ಚಿತ್ರರವರು ವಂದಿಸಿದರು.
ಎಸ್.ಎಸ್.ಎ.ಎಲ್.ಪಿ.ಎಸ್ ಮೂಡೂರುತೋಕೆ ಶಾಲೆಯಲ್ಲಿ ಹೊಸ ಶೈಕ್ಷಣಿಕ ವರ್ಷದ ಶುಭಾರಂಭವನ್ನು ಪ್ರವೇಶೋತ್ಸವದ ಮೂಲಕ ಅತ್ಯಂತ ಸಂಭ್ರಮದೊಂದಿಗೆ ಆಚರಿಸಲಾಯಿತು. ವಿದ್ಯಾರ್ಥಿಗಳು, ಪೋಷಕರು, ಶಿಕ್ಷಕರು ಮತ್ತು ಗಣ್ಯರು ಉಪಸ್ಥಿತರಿರುವ ಈ ಕಾರ್ಯಕ್ರಮವು ಹೊಸ ಶೈಕ್ಷಣಿಕ ವರ್ಷದ ಉತ್ಸಾಹಪೂರ್ಣ ಆರಂಭವನ್ನು ಸೂಚಿಸಿತು.
ಕಾರ್ಯಕ್ರಮ ನಿರ್ವಹಣೆ:
ಕಾರ್ಯಕ್ರಮವನ್ನು ಸೃಜನಾತ್ಮಕವಾಗಿ ಮತ್ತು ಸರಳವಾಗಿ ಶಾಲಾ ಶಿಕ್ಷಕಿಯಾಗಿರುವ ಶ್ರೀಮತಿ ಚಿತ್ರಾ ಅವರು ನಿರ್ವಹಿಸಿದರು.
ಧನ್ಯವಾದ ವಿಧಿಯುತ ಭಾಷಣ:
ಕಾರ್ಯಕ್ರಮದ ಅಂತ್ಯದಲ್ಲಿ ಶಾಲಾ ಶಿಕ್ಷಕಿಯಾಗಿರುವ ಶ್ರೀಮತಿ ಫೌಸಿಯಾ ಅವರು ಎಲ್ಲ ಗಣ್ಯರು, ಪಾಲಕರು, ಪ್ರಾಯೋಜಕರು ಹಾಗೂ ಅತಿಥಿಗಳಿಗೆ ಕೃತಜ್ಞತೆ ಸಲ್ಲಿಸಿದರು.
ಈ ಪ್ರವೇಶೋತ್ಸವದ ಮೂಲಕ ವಿದ್ಯಾರ್ಥಿಗಳು, ಶಿಕ್ಷಕರು ಮತ್ತು ಪಾಲಕರು ಹೊಸ ಶೈಕ್ಷಣಿಕ ವರ್ಷವನ್ನು ಹೊಸ ಆಸೆ ಮತ್ತು ಉತ್ಸಾಹದೊಂದಿಗೆ ಆರಂಭಿಸಿದರು.
ಕಲಿಕೋತ್ಸವ 2025
